मुम्बइ । अमेरिकन टेलिभिनकर्मी एवं मोडल किम कादार्शनी सलमान खानले सञ्चालन गर्ने टेलिभिजन कार्यक्रम बीगबोसमा सहभागी नहुने भएकी छिन् । उनको बलिउड यात्रा तय गर्ने कम्पनि बिजक्राफ्टले बीबीसीसँग कुरा गर्दै किम बलिउड नआउने आधिकारिक जानकारी दिएको हो ।
तर, उक्त कम्पनिले किमको बलिउड यात्रा रद्द हुनुको स्पष्ट कारण खुलाएको छैन । यसअघि किमले भारतको एक परफयुम कम्पनिको उद्घाटन गर्ने कार्यक्रम थियो । टेलिभिजन कार्यक्रम ‘बिग बोस’ मा एक दिन सहभागी हुने उनको योजना थियो ।
तर, मनोरञ्जन च्यानल कलर्सले भने अझै किम बीसबोसमा सहभागी हुन आउने दाबी गर्दै आएको छ । त्यति मात्रै होइन केही भारतीय मिडियाले सलमान खानकी बहिनी अर्पिताको बिबाह पछि आयोजना हुने रिसेप्सन पार्टीमा सहभागी हुने समेत दावी गरेका थिए ।
