सोमवार राजधानीबाट प्रकाशित आर्थिक क्षेत्रका दैनिक पत्रिकाहरुमा चिनी उद्योगबाट ८० मेगावाट विजुली किनिने, किसानको नाममा दुरुपयोग, वैदेशिक रोजगारीमा २२ करोड ठगी लगायतका खबर प्राथमिकताका साथ छापिएका छन् ।
कारोाबार दैनिकले ‘चिनी उद्योगबाट ८० मेगावाटको बिजुली किनिने’ शीर्षकमा मुख्य खबर छापेको छ । उर्जा अभावले मुलुकभरका उद्योग आक्रान्त छन् ।
यस्तै, मजदुर ज्याला र निर्माण सामग्रीमा उच्च वृद्धि, एटीएम हृयाकर खोज्न इन्टरपोल गुहार्दै प्रहरी, पूर्व लडाकुको साढे ६ करोड तलब भत्ता बेरुजु, चौधरी समूह हाइड्रोतर्फ लगायतका खबर कारोबार दैनिकमा छ ।
नागरिक दैनिकमा किसानको नाममा दुरुपयोग, पाँच कृषि वस्तुमा ५० अर्ब बाहिरियो, क्यासिनो पर्यटन उद्योग, दूरसञ्चार पूर्वाधार सेयरिङ निर्देशिका आउँदै, मध्यमोदी हाइड्रो निर्माण सुरु लगायतका खबर छन् ।
आर्थिक दैनिकमा वैदेशिक रोजगारीमा २२ करोड ठगी, माथिल्लो कर्णालीको लागत दोब्बर बनाइएको खुलासा, आन्तरिक कर्जा बढ्यो, कान्तिपुर सेक्युरिटीमा राजश्वको छापा, नेप्सेमा ६ अंकको सुधार लगायतका खबर छन् ।
