८ मंसिर, काठमाडौं । सार्क शिखर सम्मेलनको सुरक्षा तयारीको पूर्वाभ्यास गर्दा सोमवार विहानैदेखि राजधानीको सवारी आवागमन अस्तव्यस्त बन्न पुग्यो ।
विशिष्ठ अतिथिको स्वागतको पूर्वाभ्यासका लागि सुरक्षा निकायले विहान ६ बजेदेखिनै त्रिभुवन अन्तर्राष्ट्रिय विमानस्थलदेखि सोल्टी होटलसम्मको मुख्य सडक नियन्त्रणमा लिएको थियो ।
कार्यालय समयमा पूर्वाभ्यास गरिदा हजारौं सर्वसाधरण सवारी जाममा परे । सार्क सदस्य राष्ट्रका अति विशिष्ठ पाहुनाको आगमन, स्वागत, उनीहरुलाई विमानस्थलबाट होटलसम्म पुर्याउने र राष्ट्रिय सभागृहमा स्वागतको पूर्वाभ्यास गरिएको थियो ।
त्रिभुवन विमानस्थलदेखि सोल्टी होटलसम्मको बीचमा तीनकुने, बानेश्वर, बबरमहल, थापाथली, त्रिपुरेश्वर, टेकु, कालिमाटी क्षेत्रका सडकमा सर्वसाधारणलाई पैदल हिड्न समेत रोक लगाइएको थियो ।
मुख्य सडक किनाराका घरहरुमा झ्याल खोल्न समेत दिइएका थिएन । सुरक्षा पास लिएका पत्रकारहरुलाई पूर्वाभ्यासको दृष्य खिच्न समेत कतिपय ठाउँमा प्रहरीले रोकेका थिए । सुरक्षाको लागि आइतबारदेखि नै त्रिभुवन अन्तराष्ट्रिय विमानस्थल खाली गराइएको थियो ।
श्रीधर पौडेल र विकास श्रेष्ठले खिचेका थप तस्वीरहरु हेर्नुहोस् –
भिडियो पनि हेर्नुहोस्