८ मंसिर, काठमाडौं । पोखरामा केन्द्रीय कार्यालय रहेको गरिमा विकास बैंक लिमिटेड आइतबार देखी आठौं वर्षमा प्रवेश गरेको छ ।
सञ्चालनको यस अवधिमा बैंकले विभिन्न स्थानमा १४ वटा शाखा सञ्चालन गरेको छ । पोखराको सभागृहचोक, महेन्द्रपुल, र बाटुलेचौर, स्याङ्जाको वालिङ, गल्याङ र पुतलीबजार, पाल्पा जिल्लाकोे तानसेन र रामपुर रुपन्देही जिल्लाको बुटवल र भैरहवा, कपिलस्तु जिल्लाको जितपुर, र पर्वत जिल्लाको कुश्मा, फलेवास र हुवास शाखा कार्यालय स्थापना गरेको हो ।
बैंकले निकट भविष्यमा स्याङ्जाको बयरघारी, नवलपरासीको कावासोती, बाग्लुङ र तनहुँको दमौलीमा समेत ४ वटा शाखा कार्यालय खोल्ने प्रमुख कार्यकारी अधिकृत गोविन्दप्रसाद ढकालले बताए ।
यी शाखा कार्यालयहरु सञ्चालनमा आएपछि बैंकको कार्यक्षेत्र भित्र ९ जिल्लामा १८ वटा शाखा कार्यालयहरु हुने ढकालले बताए ।
आर्थिक वर्ष २०७१/७२ को हालसम्मको अवधिमा बैंकले ४ अर्व ३० करोड रुपैयाँ निक्षेप संकलन गरी ३ अर्व ९० करोड रुपैयाँ कर्जा प्रवाह गरेको छ । चालु आर्थिक वर्षको पहिलो असोज मसान्तमा बैंकले ४ करोड ८२ लाख संचालन नाफा कमाएको छ । यो नाफा गत वर्षको सोही अवधिको भन्दा १ सय ३३ प्रतिशतले बढी हो ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया 4