९ मंसिर, काठमाडौं । पोखरामा प्रधान कार्यालय राखेर बैंकिङ कारोबार गर्दै आएका ११ वटा विकास बैंक तथा फाइनान्स कम्पनीले आर्थिक वर्ष २०७१/०७२ को पहिलो तीन महिनामा १८ करोड रुपैयाँ नाफा कमाएका छन् । गत वर्षको यसै अवधिको भन्दा अधिकांश संस्थाहरुको नाफा बढेको छ ।
आर्थिक वर्ष २०७०/०७१ मा ९१ करोड रुपैयाँ नाफा कमाएका थिए । पोखरामा ७ विकास बैंक र ४ विकास बैंकका मूख्य कार्यालय रहेका छन् ।
सबैभन्दा बढी नाफा मुक्तिनाथ विकास बैंकले कामाएको छ । उसले ४ करोड ३४ लाख रुपैयाँ नाफा कमाएको छ । मेट्रो डेभलपमेन्ट बैंकले सबैभन्दा कम अर्थात ९७ लाख रुपैयाँ कमाएको छ ।
फाइनान्स कम्पनीहरुमध्ये ओम फाइनान्सले सबैभन्दा बढी अर्थात १ करोड ७७ लाख रुपैयाँ नाफा कमाएको छ । नाफाका हिसाबले ओम फाइनान्स मुक्तिनाथ, गरिमा र सिटि डेभलपमेन्ट बैंक पछि चौथो स्थानमा छ ।
पोखरा फाइनान्सले २० लाख रुपैयाँ नाफा कमाएको भने कास्की फाइनान्सले ७० लाख रुपैयाँ कमाएको छ ।
कसले कति कमाए ?
बैंक तथा वित्तीय संस्था | नाफा रु. (०००) मा |
---|---|
मुक्तिनाथ विकासक बैंक | ४३४६३ |
गरिमा विकास बैंक | २६८७७ |
सिटि डेभलपमेन्ट बैंक | १८२३८ |
गण्डकी विकास बैंक | १३५०१ |
विश्व विकास बैंक | २२०४९ |
कामना विकास बैंक | १५३२१ |
मेट्रो डेभलपमेन्ट बैंक | ९७३५ |
ओम फाइनान्स | १७७०९ |
कास्की फाइनान्स | ७०७८ |
फेवा फाइनान्स | ७५४० |
पोखरा फाइनान्स | २००३ |