राजधानीबाट शुक्रबार प्रकाशित सबैजसो दैनिक पत्रिकाले काठमाडौं घोषणापत्र जारी गर्दै १८ सार्क शिखर सम्मेलन सम्पन्न भएको, उर्जा सम्झौता भएको, शिखर सम्मेलन समापनका अवसरमा भारतीय प्रधानमन्त्री नरेन्द्र मोदी र पाकिस्तानी प्रधानमन्त्री नवाज सरिफले हात मिलाएको खबरलाई प्राथमिकताका साथ छापेका छन् ।
नयाँ पत्रिकाले सार्क सम्मेलनका विषय धेरै भएपनि उपलब्धि थोरै भएको, फैसलाको सवा आठ अर्ब उठ्न बाँकी रहेको, सार्कका प्रथम महिना नेवारी नृत्यमा रमाएको खबरलाई प्राथमिकताका साथ छापेको छ ।
राजधानी दैनिकले माटाका भाँडा बनाउन सिकेर सार्कका पाहुना फर्किएको, पाँच राष्ट्रका राष्ट्र प्रमुख र सरकार प्रमुख स्वदेश फर्किएको खबरलाई प्राथमिकताका साथ छापेको छ ।
अन्नपूर्ण सुखद संकतसँगै सार्क सम्मेलन सकिएको, दक्षिण एसियाली आर्थिक युनियन बनाउने सार्क प्रतिबद्धता गरेको , भारत कम प्रान्तका पक्षमा रहेको खबरलाई प्राथमिकताका साथ छापेको छ ।
नागरिक दैनिकले सार्क सम्पर्क सञ्जाल बढाउने वाचा भएको, सार्क उर्जा सम्झौतामा हस्ताक्षर भएको खबरलाई प्राथमिकताका साथ छापेको छ ।