१२ मंसिर, काठमाडौं । दक्षिण एसियाली क्षेत्रीय सहयोग संगठन (सार्क) को अठारौं शिखर सम्मेलनमा भाग लिन काठमाडौं आएका सदस्य राष्ट्रका कार्यकारी प्रमुखहरु सबै स्वदेश फर्किएका छन् । बंगलादेश र भुटानका प्रधानमन्त्री शुक्रबार तथा अन्य देशका राष्ट्र तथा सरकार प्रमुखहरु विहीबार राति फर्किएका हुन् ।
भुटानका प्रधानमन्त्री छिरिङ तोब्गेलाई उपप्रधान तथा गृहमन्त्री बामदेव गौतमले र बंगलादेशकी प्रधानमन्त्री शेख हसिना वाजेदलाई उपप्रधान तथा स्थानीय विकास मन्त्री प्रकाशमान सिंहले त्रिभुवन अन्तर्राष्ट्रिय विमानस्थलको अतिविशिष्ट कक्षमा शुक्रबार विदाइ गरेका थिए ।
सो अवसरमा नेपाली सेनाको एक टुकडीले मंगल धुन र सम्मान गारत अर्पण गर्नुका साथै दुवै देशको राष्ट्रिय धुन बजाएको थियो ।
विहीबार राति भारत, पाकिस्तान, श्रीलंका, अफगानिस्तान र मालदिभ्सका सरकार तथा राष्ट्रप्रमुखहरु स्वदेश फर्किएका थिए ।
सार्कका सबै विशिष्ट पाहुनाहरु स्वदेश फर्किएपछि काठमाडौं उपत्यकाका सवारी साधनमा लगाइएको जोर-बिजोर प्रणाली पनि शुक्रबार मध्यान्हदेखि हटाइएको छ ।
विहीबार रातिको विदाइका केही तस्वीरहरु हेर्नहोस्-
