४ पुस, विर्तामोड । नाबालक छोरीलाई बलात्कार गरेको आरोपमा प्रेस चौतारी नेपालका पूर्व केन्द्रीय सदस्य रमेश पोखरेललाई २० वर्ष कैद सजाय भएको छ ।
झापा जिल्ला अदालतका न्यायाधीश रमेशकुमार खत्रीको एकल इजालसले झापा घर भएका पोखरेललाई हाडनाता, नाबालक र जबर्जस्ती करणीमा जेल सजाय सुनाएको हो । अदालतले पीडकबाट चार लाख क्षतिपूर्ति बिगो भराउने समेत फैसला गरेको हो ।
विसं २०७० असोज १८ गते झापा जिल्ला अदालतमा दर्ता भएको मुद्दाको बादीतर्फ सरकारी वकिल जिल्ला न्यायाधिवक्ता प्रमोद भट्टराई र प्रतिवादीका तर्फबाट कानुन व्यवसायी चित्रबहादुर मगरले मुद्दामा बहस पैरवी गरेका थिए । रासस