५ पुस, काठमाडौं । राजधानीबासीका लागि नजिकको पर्यटकीय गन्तब्य हो नगरकोट । ३२ किलोमिटरको यात्रापछि २ हजार मिटर अग्लो पहाडको टुप्पोमै पुगिन्छ ।
नगरकोटको डाँडाबाट देखिने मनमोहक दृष्यको आनन्द लिन विहानीको सिरेटोमा लुगलुग काम्दै पर्यटकहरु हिमाल हेर्न पर्खिरहेका हुन्छन् । नेपाली र बिदेशी दुवैका लागि आर्कषक गन्तब्य हो नगरकोट ।
सूर्योदयअघिको राताम्मे आकाशसँगै लालायित आगन्तुकहरु क्यामेरा घुमाउँदै नगरकोटको पाखापखेरा टहलिन्छन् ।
हरेक विहानी नगरकोटको हिमाली काखबाट सूर्योदयपछि हिमचुचुरामा परेको पहिलो झुल्को हेर्दै सात समुन्द्रपारीका पर्यटक पागल झै चिच्चाइरहेका भेटिन्छन् । नगरकोटबाट पश्चिमी अन्नपूर्ण, माछापुछ्रेदेखि मनास्लु, गणेश, लाङ्गटाङ्ग, गौरी शंकर, ल्होत्स, मकालु र सगरमाथासम्म छलङ्गै देखिन्छ ।
आखिर के देखिन्छ नगरकोटबाट ? फोटो पत्रकार अशोक दुलालले नगरकोटबाट कैद गरेका केही दृष्यहरु-