१३ माघ, काठमाडौं । त्रिभुवन आर्मी क्लबले झापा ११ फुटबल क्लबलाई पराजित गर्दै राष्ट्रिय लिग फुटबल प्रतियोगितामा सुखद् सुरुआत गरेको छ ।
त्रिपुरेश्वरस्थित दशरथ रंगशालामा मंगलबार भएको खेलमा आर्मीले झापा ११ लाई १–० गोलअन्तरले पराजित गरेको हो । जितसँगै आर्मीले शीर्ष तीन अंक जोडेको छ ।
आर्मीको जितमा टेकबहादुर बुढाथोकी नायक बने । उनले खेल छैटौँ मिनेटमा गरेको एक गोल नै आर्मीका लागि निर्णायक गोल साबित भयो । आर्मीका राजु तामाङको कर्नर बललाई सदुपयोग गर्दै बुढाथोकीले हेड गोल गरेका थिए ।
प्रतियोगितामा मनाङ मस्र्याङ्दी क्लब,थ्रीस्टार क्लब र लुम्बिनी फुटबल क्लबले पनि समान तीन-तीन अंक जोडेका छन् ।