१४ माघ, काठमाडौं । एकीकृत नेकपा माओवादी निकट विद्यार्थी संगठन अखिल क्रान्तिकारीले खाना पकाउने ग्यासका रित्ता सिलिण्डर सहित नेपाल आयल निगमको केन्द्रीय कार्यालय अगाडि धर्ना दिएको छ ।
कालोबजारी नियन्त्रण गर्न र सहज रुपमा खाना पकाउने ग्यासको बिक्री वितरणको व्यवस्था मिलाउन माग गर्दै दिउँसो १२ बजेदेखि १ घण्टा धर्ना दिइएको हो ।
रित्ता सिलिण्डर र रित्ता थाल लिएकाहरु माइतीघर मण्डलामा भेला भएर बबरमहलस्थित आयल निगमको केन्द्रीय कार्यालय अगाडि पुगेर धर्नामा बसेका थिए ।
एमाओवादी नेता देवेन्द्र पौडेल, हिमाल शर्मा, रमेश मल्ल लगायत धर्नामा थिए ।
धर्नामा सहभागीहरुले कालोबजारी नियन्त्रण गर्न, ग्यासमा दोहोरो मूल्य लागू गर्न, सहज रुपमा ग्यास बिक्री वितरणको व्यवस्था मिलाउन माग गर्दै सरकार विरुद्ध नारा लगाएका थिए ।