१५ माघ, काठमाडौं । राष्ट्रिय लिग फुटबलमा नेपाल आर्मी र सशस्त्र प्रहरीको एपीएफ क्बलले अंक बाँडेका छन् ।
बिहीबार त्रिपुरेश्वरस्थित दशरथ रंगशालामा भएको खेलमा आर्मी र एपीएफले १-१ को बराबरी खेलेका हुन् ।
खेलमा अग्रता भने आर्मीले लिएको थियो । ३६ औं मिनेटमा दीप लामाले गोल गरे । तर, ७२ औं मिनेटमा नविन लामाले एपीएफका लागि बराबरी गोल फर्काए ।
त्यसपछि आर्मीले लगातार दुई मौका गुमायो । ८० औं मिनेटमा टेबहादुर बुढाथोकी वान भर्सेज वानमा गोल गर्न चुके भने ८५ औं मिनेटमा भरत खवासको प्रहार एपीएफका डिफेण्डर मनबहादुर तामाङले गोललाइनबाट बचाएका थिए ।
