१८ माघ, काठमाडौं। प्रभु बैंक लिमिटेडको प्रमुख कार्यकारी अधिकृत (सिइओ)मा अशोक शेरचन नियुक्त भएका छन् ।
शुक्रबार बसेको संचालक समितिको वैठकले शेरचनलाई सिइओ नियुक्त गर्ने निर्णय गरेको हो । शेरचन गत कात्तिक ३ गतेदेखि बैंकको निमित्त प्रमुख कार्यकारी अधिकृतको रुपमा कार्यरत थिए ।
यो पनि पढ्र्नुहोस प्रभु बैंकका सीइओ लम्सालद्वारा राजिनामा, शेरचन कार्यबाहक सीइओ
पहिलो पटक प्रभु फाइनान्समा प्रमुख कार्यकारी अधिकृत नियुक्त भएका शेरचन प्रभु बिकास बैंकमा पनि सिइओ थिए । तत्कालिन किष्ट बैंकको ब्यबस्थापन प्रभु ग्रुपले लिएपछि शेरचन नायव प्रमुख कार्यकारी अधिकृत नियुक्त भएका थिए ।
प्रभु बिकास बैंक र किष्ट बैंक मर्ज भएसँगै प्रमुख कार्यकारी अधिकृत कुमार लम्सालले राजीनामा गरेपछि उनले निमित्त प्रमुख कार्यकारीका रुपमा बैंकको नेतृत्व गर्दै आएका थिए ।
निमित्त प्रमुख कार्यकारीका रुपमा उनले बैंकको खराव कर्जा उठाउन र बैंकलाई सुधार गर्न महत्वपूर्ण भूमिका खेलेका कारण उनलाई सिइओ नियुक्त गरिएको बैंकका एक संचालकले अनलाइनखवरलाई बताए ।
पछिल्लो ६ महिनामा बैंकले एक अर्ब बढि खराव कर्जा असुल गरेको छ भने पछिल्लो त्रैमासमा मात्र ५४ करोड खुद नाफा आर्जन गरेको छ ।
यो पनि पढ्नुहोस-कमल ज्ञवालीबाट प्रभुले बैंकले उठायो १२ करोड ऋण
त्रिभुवन बिश्वबिद्यालयबाट स्नातकोत्तर अध्ययन गरेका शेरचन नेपाल बंगलादेश बैंकबाट सन १९९६ बाट करिअर सुरु गरेका हुन् । उनले एनसीसी बैंक र बंगलादेश बैंकमा १० बर्ष काम गरेका थिए । सन २००६ देखि प्रभु समुहसँग अावद्व शेरचन त्यसपश्चात प्रभू फाइनान्स, प्रभुलाई बिकास बैंक हुँदै बाणिज्य बैंकसम्म स्तरोन्नती गर्न नेतृत्वदायी भूमिका खेले ।
(सफलताको कथा : डुबेको किष्टलाई प्रभुले गर्यो कायापलट)
२०२९ सालमा बागलुंगमा जन्मिएका शेरचन उमेरका हिसाबले वाणिज्य बैंकका कान्छा सिइअो हुन ।
‘तत्कालका लागि मैले निक्षेप, खराव कर्जा असुली र ऋण प्रवाहलाई समानान्तर रुपले अगाडी बढाउने छुु’ शेरचनले अनलाइनखबरसँग भने- ‘हामीले बैंकको दीर्घकालिन योजना पनि बनाइरहेका छौं, कम्तीमा पाँच बर्षभित्र नेपालको अग्रणी बैंकका रुपमा स्थापित गर्ने लक्ष्यसाथ काम गर्ने छु ।’
प्रभुले हालैमात्र ग्राण्ड बैंक र नेपाल बिकास बैंक खरिद गर्ने निर्णय गरेको छ । ती दुवै बैंक खरिदसँगै प्रभु देशका ठूला संजाल भएका बैंकमध्ये एक हुने छ जसको नेतृत्व शेरचनले गर्नेछन् ।