२ फागुन, काठमाडौं । विश्वकप क्रिकेट २०१५ मा पहिलो हृयाट्रिक विकेट इंग्ल्याण्डका पेस बलर स्टिभन फिनले लिएका छन् ।
उनले अन्तिम ओभरका पछिल्ला ३ बलमा ब्राड हृयाडिन, ग्लेन म्याक्सवेल र अन्तिम बलमा मिचेल जोनसनको विकेट लिए । यो विश्वकप इतिहासको ८ औं हृयाट्रिक हो ।
१० ओभर बलिङ गरेका फिनले ७१ रन खर्चेर ५ विकेट लिए ।
विश्वकपको पहिलो शतक भने अष्टे्रलियाका ओपनर आरोन फिन्चको नाममा रहृयो ।
उनले विश्वकप डेब्यूमै इंग्ल्याण्डविरुद्ध शतक बनाएका हुन् । विश्वकपको डेब्यू म्याचमै शतक बनाउने उनी १४ ब्याट्म्यान बनेका छन् ।
१२८ बल खेलेका उनले १२ चौका र ३ छक्का सहित १३५ रन बनाएका छन् ।