१७ फागुन, रसुवा । बाइस मेगावाट क्षमताको चिलिमे जलविद्युत् केन्द्रमा जडान भएका उपकरण मर्मत सुरु गरिएको छ ।
चिलिमे जलविद्युत् केन्द्रका प्रमुख राजकुमार बलालका अनुसार विद्युत् गृहमा जडान भएका उपकरण संरक्षणका लागि मर्मत सुरु गरिएको हो । एघार एघार मेगावाटका दुई टर्बाइनमध्ये विद्युत् प्रवाहलाई निरन्तरता दिन पहिलो चरणमा एक टर्बाइनको मर्मत भइरहेको छ । दुवै टर्बाइनको यही फागुन २५ गतेभित्र मर्मत भइसक्ने प्रमुख बलालले बताउए ।
विसं २०६० मा जडान भएको विद्युत् उपकरणको समयानुकूल मर्मतमा विशेष ध्यान दिइएका कारण विद्युत् उत्पादनले निरन्तरता पाएको बताइएको छ । रासस
