१८ फागुन, काठमाडौं । आम आदमी पार्टीले अरविन्द केजरीवाललाई पार्टीको राष्ट्रिय संयोजक पदबाट हटाउने प्रयास भइरहेको बताएको छ ।
पार्टीका नेता संजय सिंहले दिल्लीमा एक पत्रकार सम्मेलनमा यस्तो बताएका हुन् । तर, कसले यस्तो प्रयास गरिरहेको छ भन्ने उनले केही खुलाएनन् ।
पार्टी नेता योगेन्द्र यादव र प्रशान्त भूषणसँग अरविन्द केजरीवालको कथित मदभेदको खबरले कार्यकर्ता र जनतामा गलत सन्देश गएको सिंहले बताए ।
यागेन्द्र यादव र प्रशान्त भुषणलाई आम आदमी पार्टीबाट निकालिन्छ भन्ने सञ्चारकर्मीहरुको प्रश्नमा संजय सिंहले भने-कसैलाई पार्टीमा संलग्न गराउने वा हटाउने निर्णय राष्ट्रिय कार्यकारिणीको बैठकबाट हून्छ र चार तारिखमा बस्ने बैठकपछि के हुन्छ तपाईहरुले थाहा पाउनुहुन्छ ।’
भारतीय सञ्चार माध्यमहरुका अनुुसार योगेन्द्र यादव र प्रशान्त भुषण केजरीवाललाई राष्ट्रिय संयोजक पदमा कायम राख्ने पक्षमा छैनन् । यसबारे प्रशान्तले राष्ट्रिय कार्यकारिणीलाई पत्र समेत लेखेको बताइएको छ ।
संजय सिंहले कश्मीरसहितका मुद्दामा केजरीवाल र प्रशान्त भुषणको फरक फरक बिचार छ ।
