२२ फागुन, काठमाडौं । रंगहरुको पर्व होली शुक्रबार तराई मधेसका जिल्लाहरुमा विशेष हर्षोल्लासका साथ मनाइदैछ ।
साथीसंगी र इष्टमित्र भेला भइ रंग तथा अविर एकअर्कामा लगाइदिएर होली खेल्ने परम्परा छ । तराई मधेसका जिल्लाहरुमा बालबालिका, युवायुवतीहरू बिहानदेखि होली खेल्न व्यस्त छन् । होली मिलन समारोह, ‘मट्का फोर’ कार्यक्रम र सांगितिक प्रस्तुतिहरु पनि आयोजना भैरहेका छन् ।
विष्णुभक्त प्रल्हादलाई आगोमा जलाउन खोज्दा पापी प्रवृत्तिकी होलीका आगोमा भष्म भएको खुसीयालीमा होली मनाउन थालिएको पौराणिक कथन छ ।
विहीबार काठमाडौं उपत्यकासहित पहाडी जिल्लाहरुमा होली मनाइएको थियो । शुक्रबार तराई-मधेसमा होलीको रौनक छ । होलीमा उच्छृङ्खल गतिविधि हुन नदिन प्रहरीले विशेष निगरानी बढाएको छ ।
तराई-मधेसको होलीलाई तस्वीरमा हेरौं-
तस्वीरहरु : रुपन्देहीबाट सलमान खान, विराटनगरबाट ध्रुव भट्टराई र नवलपरासीबाट रामकुमार श्रेष्ठ
