सामसुङले यसै हप्ता सार्वजनिक गरेको ‘ग्यालेक्सी एस ६’ र ‘ग्यालेक्सी ६ इज’ सुबिधा र डिजाइनका सन्दर्भमा बिल्कुलै नयाँ सुरुवात हो ।
यसअघि सामसुङले नयाँ संस्करणका ग्यालेक्सी सेट ल्याउँदा पुरानै डिजाइनको जगमा केही सुबिधा थपथाप गर्दथ्यो । तर, यसपटक डिजाइन, सुबिधा र प्रयोग गरिने सामाग्री लगायत धेरै पक्षमा बिल्कुलै नयाँ सुरुवात गर्यो ।
यसै पनि ग्यालेक्सीको नयाँ सेरिज र आइफोनको नयाँ सेरिजवीच बजारमा प्रतिस्पर्धा हुने गर्छ । स्मार्टफोन प्रयोगकर्ताले पनि यी दुवै फोनका फिचर तुलना गरेर किन्छन् । आज हामी तपाईंलाई सामसुङको पछिल्लो सेटमा उपलब्ध केही यस्ता फिचरबारे जानकारी दिंदैछौं, जुन प्रतिस्पर्धी आइफोन ६ वा ६ प्लसमा उपलब्ध छैनन् ।
१. ग्यालेक्सी एस ६ र सिक्स इजमार्फत् तपाईले क्रेडिटकार्ड मार्फत् कुनै पनि स्टोरमा सपिङ गर्न सक्नुहुन्छ । यसका लागि तपाईलाई सामसुङ पे सुबिधा उपलब्ध छ ।
तर, आइफोन ६ र सिक्स प्लसमा उपलब्ध एप्पल पेमार्फत् तपाईं यस्ता स्टोरमा मात्र किन्न सक्नुहुन्छ जहाँ नियर फिल्ड कम्युनिकेसन सिस्टम उपलब्ध छ ।
२. सामसुङ ग्यालेक्सीको नयाँ सेरिज फोन तपाईले चार्जर प्लगमा नजोडि वायरलेस चार्ज गर्न सक्नुहुन्छ । यसका लागि तपाईले चार्जर प्याडमाथि फोन राखिदिए पुग्छ । तर, आइफोनमा वायरलेस चार्जिङ सुबिधा उपलब्ध छैन ।
३. सामसुङ ग्यालेक्सी ६ र सिक्स इजमा सुपर क्वीक चार्जिङ सुबिधा छ । १० मिनेट चार्ज गर्दा ४ घण्टा प्रयोग गर्न मिल्नेगरी सुपर चार्जिङ सुबिधा उपलब्ध छ । तर, आइफोनमा फास्ट चार्जिङ सुबिधा उपलब्ध छैन ।
४. ग्यालेक्सी सिक्स इजमा तपाईले फोनबुकमा सेभ गरिएकोमध्ये कुनै एक नामलाई बिशेष रंगमा बदल्न सक्नुहुन्छ । यदि सोही नाम वा नम्बरबाट फोन आयो भने तपाईंले जुन रंग दिनुभएको त्यही रङमा स्क्रिन बदलिन्छ । तर, आइफोनमा यस्तो फिचर छैन ।
५. होम बटनमा डबल ट्याप गरेपछि तपाईले सामसुङ ग्यालेक्सीका नयाँ सेरिजका फोनमा क्यामेरा अन गर्न सक्नुहुन्छ । तर, आइफोनमा क्यामेरा खोल्न क्यामेरा एपमा थिच्नैपर्छ । जसले गर्दा तपाईंले हतारमा फोन झिकेर फोटो खिच्नुपर्ने भए नभ्याउन सक्छ ।
६. सामसुङ ग्यालेक्सीमा प्रयोग गरिएको नयाँ क्यामेराले क्यामेरामा देखिएको बस्तु हल्लिएको भए त्यहीअनुसार खिच्छ जसले गर्दा फोकस आउट हुँदैन । आईओएस ८ भर्सनमा एप्पलले खिचेका तस्वीर सम्पादन गर्न सजिलो हुने फिचर राखेको भए पनि सामसुङमा जस्तो बस्तु हल्लिइरहेको थाहा पाउने सुबिधा भने छैन ।
७. दुवै सामसुङ सेटमा नयाँ ‘स्मार्ट म्यानेजर’ एप राखिएको छ । फोनको बटन थिचेकै भरमा यो एपले तपाईको फोनमा अनाबश्यकरुपमा स्टोर भएका फाइललाई क्लिन गर्छ । आइफोनमा यस्तै काम गर्ने थर्ड पार्टी एप बिकाश भएको भए पनि यति सजिलो छैन ।
८. नयाँ ग्यालेक्सी सेटसहित पछिल्ला सामसुङ सेटमा एउटै स्क्रिनमा एकभन्दा धेरै एप एकैचोटी चलाउन पाइन्छ । तर, आइफोनमा यो सुबिधा छैन, तपाईले एउटा स्क्रिनमा एकपटकमा एउटा मात्र एप चलाउन सक्नुहुन्छ ।
९. दुवै ग्यालेक्सी सेटमा मुटुको धडकनको गति नाप्ने सुबिधा छ । तर, अहिलेसम्म एप्पलका कुनै पनि फोनमा हर्ट रेट मोनिटर गर्ने सुबिधा उपलब्ध छैन ।
१०. सामसुङको नयाँ ग्यालेक्सी ६ इजमा तपाईको मुख्य स्क्रिन अफ भए पनि छेउमा रहेको कर्भ स्क्रिनमा मिति, समय र मौसमको सूचना हेर्न सकिन्छ । यस्तो सुबिधा आइफोनमा मात्र हैन, ग्यालेक्सी ६ इजबाहेक अन्य कुनै पनि स्मार्टफोनमा उपलब्ध छैन ।
-बिजनेस इनसाइडरबाट
