जारी बिश्वकप क्रिकेट प्रतियोगितामा भारतका उपकप्तान विराट कोहलीको खराव प्रर्दशनलाई लिएर उनकी प्रेमिका एवं नायिका अनुष्का शर्मामाथि कडा प्रहार भइरहेको छ ।
भारतको हारमा बिराटकी प्रेमिका अनुष्काको हात रहेको भन्दै सामाजिक संजालमा तिब्र आलोचना भइरहेको छ । बिराटले १३ बलमा जम्मा एक रन जोडेर आउट भएका थिए ।
तर, अनुष्काको जतिसुकै आलोचना भए पनि विराटले अनुष्कालाई गतिलै साथ दिएका छन् ।
अष्ट्रेलियाबाट भारत फर्किने क्रममा शनिबार यो जोडी हात समाउँदै चखेवाको जोडीजस्तै गरी मुम्बई बिमानस्थलमा देखियो । अहिलेसम्म आफ्नो सम्बन्धलाई औपचारिकरुपमा स्वीकार नगरेको यो जोडीले योसँगै आफ्नो रिलेसनसीप स्टाटसलाई पनि प्रष्ट पारिदिएको छ ।
पछिल्ला दिनमा यो जोडीले आफ्नो सम्बन्धलाई खुलाउँदै लगेको छ । हालै अनुष्काले निर्माण गरेकेा फिल्म ‘एनएन १०’ हेरेपछि विराटले ‘माइ लभ’ भन्दै ट्वीटरमा अनुष्काको तारिफ गरेका थिए ।
बिमानस्थलमा हात समाउँदै अनुष्कालाई डोर्याएर विराटले एकैपटक दुई सन्देश दिएका छन- पहिलो, हामी बलियो सम्बन्धमा छौं । दोस्रो- भारतको हारमा अनुष्काको कुनै हात छैन, जति आलोचना भएपनि हाम्रो सम्बन्धमा कुनै दरार आएको छैन् ।’