१५ चैत, काठमाडौं । गृहमन्त्रालयको चेतावनीका बावजुद एमाओवादी नेतृत्वको ३० दलीय मोर्चाले आज देशभर लाठी जुलुस प्रदर्शन गर्दैछ ।
पूर्वघोषित कार्यक्रमअनुसार राजधानीसहित देशभरका जिल्ला सदरमुकाममा लाठी जुलुस प्रदर्शन गर्न लागिएको मोर्चाले बताएको छ । काठमाडौंमा दिउँसो साढे २ बजे भृकुटीमण्डपबाट लाठी जुलुस निकालिने वाइसीएल उपत्यका इन्चार्ज दीपशिखाले जानकारी दिए ।
उनका अनुसार जुलुस सुन्धारा जमल हुँदै पुनः भृकुटीपमण्डपमै आएर समापन हुनेछ ।
यसअघि गृहमन्त्रालयले लाठी जुलुस, मसाल जुलुस, तथा हड्ताल नगर्न आग्रह गरेको थियो ।
यसअघि फागुनमा वाइसीएलले राजधानीमा भाटे जुलुस प्रदर्शन गरेको थियो ।
