१६ चैत, जेरुसेलम । एक अदालतले इजरायलका पूर्व प्रधानमन्त्री इहुद अल्मर्टलाई भ्रष्टाचारमा दोषी ठहर गरेको छ ।
जेरुसेलमको एक अदालतले भ्रष्टाचारको मुद्दामा दोषी ठहर गरेको हो । उनले आफू प्रधानमन्त्रीपदमा रहँदा ठूलोमात्रामा रकम स्वीकार गरी भ्रष्टाचार गरेको भनी परेको मुद्दामा जेरुसेलमको एक अदालतले अल्मर्टलाई दोषी ठहर गरेको हो ।
अल्मर्टले भने भ्रष्टाचारको मुद्दा अस्वीकार गरेका थिए । उनलार्इ यो मुद्दामा यसअघि सफाइ नदिइए पनि केही जरिवाना गरेर छोडिएको थियो । तर, पछि सोही मुद्दामा गरिएको थप अनुसन्धानका क्रममा उनी दोषी पाइएको समाचारमा जनाइएको छ ।
उनलाई एकजना अमेरिकी व्यापारीसँग ठूलो रकम घुस लिएको आरोप लागेको थियो । उक्त मुद्दामा उनलाई करिब छ वर्ष थुनामा राखिएको थियो ।
अब के कति जेल सजाय हुन्छ भन्नेबारेमा भने सुनाइएको छैन । केही समयपछि सजाय सुनाइने बताइएको छ । रासस/एएफपी
