Comments Add Comment

एमाओवादीलाई ईश्वर पोख्रेलको प्रश्न-लठ्ठी, खुकुरी देखाएर के गर्न खोज्या ?

१७ चैत, विराटनगर । नेकपा एमालेका महासचिव ईश्वर पोखरेलले एमाओवादीलाई दुविधाग्रस्त मनस्थिति त्यागेर संविधान निर्माणमा लाग्न सुझाव दिएका छन् । जनताको अभिमतलाई सम्मान गर्दै छिटो संविधान जारी गर्ने काममा लोकतान्त्रिक शक्तिहरु एकजुट हुनुपर्नेमा उनले जोड दिए ।

फाइल तस्वीर
फाइल तस्वीर

‘निर्वाचनको माध्यमबाट जनताले संविधान लेख्न पठाएका एमाओवादीसहितका दलले सडकमा लठ्ठी, खुकुरी बोकेर उत्रेर के गर्न खोजेको हो ?’ प्रेस चौतारी मोरङले मंगलबार विहान विराटनगरमा आयोजित पत्रकार भेटघाटमा पोख्रेलले प्रश्न गरे ।

संक्रमणकालको पीडा र असहजता मुलुकले अब धान्न नसक्ने भन्दै उनले सबै लोकतान्त्रिक शक्तिलाई संविधान लेख्ने कार्यमा अग्रसर हुन आह्वान गरे ।

जातीय पहिचानको नाममा सिधा-साधा जनतालाई भावनामा बहकाएर समाजमा विभेद उत्पन्न नगराउन उनले एमाओवादी सहितको ३० दलीय मोर्चालाई सुझाव दिए । बहुजातीय, बहुधार्मिक, बहुभाषिक एवम् बहुसांस्कृतिक मुलुक भएकाले सबैको प्रतिनिधित्व हुने खालको संविधान बनाउनुपर्नेमा उनले जोड दिए ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment