Comments Add Comment

लालीगुराँसमय ललितपुर, पुनहिलको झल्को ! (फोटो कथा)

laligurans journey
तपाईं काठमाडौं उपत्यकामा बस्नु हुन्छ र ढकमक्क लालीगुराँस फूलेको हेर्ने मन छ भने टाढा जानु पर्दैन । राष्ट्रिय फूल लालीगुराँसको लालीमा केहीबेर हराउन मन छ भने राजधानी नजिकैको देविचौरदेखि भट्टेडाँडा सातकन्यातिरको यात्रामा निस्कदा हुन्छ ।

देविचौरका लागि लगनखेल बसपार्कबाट दैनिक बस चल्छन् । आफ्नो निजी सवारीसाधन हुनेहरु लेले टिकाभैरवबाट उत्तरदक्षिण दिशाको बाटो हुँदै देविचौरको वावियो गाउँसम्म पुग्न सक्छन् । हो, यहीबाट शुरु हुन्छ ललितपुरको लालीगुराँस यात्रा ।

laligurans journey_1
तेर्सो तेर्से बाटो, उत्ति उकालो भेटिन्न । सल्लाघारी सुसाउँदै आउने सिरेटोले गर्मी पटक्कै महशुस हुन दिनेेछैन । एक्लै दुक्लै हिड्दा जंगलमा बाघ भालुको डर पनि मान्नु पर्दैन । घाँस दाउरा गर्नेहरु जंगलैभरि भेटिन्छन् । लालीगराँस हेर्दै हिँड्दा अल्छी वा थकाइ लाग्दैन । यदि लागिहालेमा पनि चिन्ता लिनु पर्दैन । बुरुञ्चुलीमाथि देउराली लेकमा होमस्टे छन्, त्यहीँ गएर आराम गर्दा हुन्छ ।

यात्राको पहिलो विसौनी सुन्तलीडाँडा हो । यहाँबाट काठमाडौं उपत्यका छर्लङ्ग देखिन्छ । लालीगुराँसको मनोरम दृष्य अवलोकन गर्दै हिँड्दा बाटोमा देवीगुफा पस्न र पाथीभारा माईको दर्शन गर्न समेत पाइन्छ ।

तिनपानेको बनमा जंगल सफारीको झल्को मेटाउने मृग, खरायो, बँदेल, वनविरालाजस्ता जीवजन्तुको दर्शन नहोला भन्न सकिन्न । कोइलीको कुहू कुहू आवाजसँगै काफल पाक्यो चरीको सुरिलो आवाजले यात्रा थप रोमाञ्चक बन्छ । अनि थकाई लाग्दा धित मरुन्जेल ऐसेलु खानुको छुट्टै मज्जा ।

laligurans journey 16

जंगलको बाटोभरि लालीगुराँसको फूल झरेको देख्दा लाग्छ-हाम्रै स्वागतका लागि बनैभरि फूल विछ्याइएको छ ।

फर्कँदा बाटोमा चेलीहरु चुल्ठोमा मात्रै लालीगुराँसको फूल सिउरेका भेटिन्नन्, अंगालोभरि गुराँस बोकेर काठमाडौं झरेका हुन्छन् ।

laligurans journey 1

laligurans journey 2

laligurans journey 3 laligurans journey 5

laligurans journey 6

laligurans journey 7

laligurans journey 8

laligurans journey 9

laligurans journey 10

laligurans journey 11 laligurans journey 12 laligurans journey 13 laligurans journey 14 laligurans journey 15 laligurans journey 18 laligurans journey 19 laligurans journey 20 laligurans journey 21 laligurans journey 22 laligurans journey
तस्वीर : अनलाइनखबर

यो खबर पढेर तपाईलाई कस्तो महसुस भयो ?

ट्रेन्डिङ

Advertisment