गाजलु यि मेरा आँखा सबै किन मन पराउछन ।
नजिक आई म सँग बोल्न पनि डराउछन ।।
कोहि भन्छन अधर राम्रो कोहि नजर राम्रो ।
टाढै बाट किन होला खालि मलाई सराउछन ।।
कोहि भन्छन मेरो हो उनि मैले मन पराउछु ।
भनाभन गर्दा गर्दै आपशमा कराउछन ।।
यत्तिकैमा पिटापिट हानाहान हुन थाल्छ ।
जब उनि समिप पुग्छु सारा झगडा हराउछन ।।
मलाई पनि मन पर्छ त्यहि बीचको एउटा ठिटो ।
थाहा छैन नानुको सिउँदो कुन चाहिँले भराउछन ।।
रजिस्मा केसी (नानु)
