पछिल्लो १२ वर्षदेखि यी बालक आफ्नो घुमेको घाँटीका कारण समस्यामा छन् । उनको यो पीडादायी जीवन देखेर उनका आमाबुबा मृत्यु चाहन्छन् ।
घटना भारत मध्यप्रदेशको हो । १२ वर्षका महेन्द्र अनौठो रोगबाट पीडित छन् । उनको घाँटी सिधा हुँदैन । जसका कारण उनको ढाडको हड्डीमा समेत असर परेको छ । उनी हिँडडुल गर्न र उभिन सक्दैनन् ।
उनी बसिरहन्छन् र उनलाई निकै पीडा हुन्छ । शौचालय जान पनि उनी घसि्रएर मात्र जान सक्छन् । खानाका लागि पनि आमाबुबामाको भर पर्नुपर्छ ।
उनका बुबा मजदुर हुन र उनी छोराको अवस्था देखेर उनी दुःखी छन् । अहिलेसम्म ५० भन्दा बढी डाक्टरलाई देखाइसके तर, उपचार सम्भव भएको छैन ।
महेन्द्रकी आमा सुमित्राका अनुसार उनका छोरा दिनभर एउटा कुनामा बसिरहन्छन् । उनको कुनै जीन्दगी छैन । ‘उसको अबको जीवन सम्झिँदा पनि पीडा हुन्छ’ उनी भन्छिन् ।
महेन्द्रका तीन भाइ र बहिनी छन् । उनीहरु स्वस्थ छन् । सुमित्राका अनुसार सुरुमा महेन्द्र पनि ठिक थिए । तर, ६ महिनाको भएपछि उनको घाँटी एकातिर लत्रिन थाल्यो ।