६ वैशाख, काठमाडौं । साविकको विजेता आर्सनल कीर्तिमानी १९ औं पटक एफए कप फुटबलको फाइनलमा पुगेको छ ।
शनिबार राति भएको सेमिफाइनलमा आर्सनलले रिडिङलाई अतिरित्त समयमा २–१ ले हरायो ।
आर्सनलको जितमा नायक बने एलेक्स सान्चेज । पहिलो हाफको ३९ औं मिनेटमा सान्चेजले आर्सनलसलाई सुरुवाति अग्रता दिलाए ।
तर, ५४ औं मिनेटमा रिडिङले बराबरी गोल फर्कायो । खेलमा थप गोल हुन नसकेपछि निर्धारित ९० मिनेटका खेल १–१ को बराबरीमा सकियो ।
अतिरिक्त समयको खेलमा १०६ औं मिनेटमा सान्चेजले व्यक्तिगत दोस्रो गोल गर्दै आर्सनललाई फाइनलमा पु¥याए ।
अब आर्सनलले उपाधिका लागि लिभरपुल र एस्टनभिल्लाबीच हुने दोस्रो सेमिफाइनलको विजेतासँग खेल्नेछ ।