१२ वैशाख, काठमाडौं । शनिबार मध्याह्न आएको भुकम्पले ऐतिहासिक पाटन दरबारलाई पनि क्षति पुर्याएको छ ।
मुख्य दरबार (कृष्ण मन्दिर) चर्किएको मात्रै छ भने यस क्षेत्रका अन्य पुराना तीन वटा मन्दिरहरु ध्वस्त भएका छन । कृष्ण् मन्दिर अगाडि रहेको ठूलो मन्दिर पूर्णरुपमा ध्वस्त भएको छ । प्रत्यक्षदर्शिले केही मान्छेहरु पुरिएको बताएका छन ।
सो मन्दिरले किचेका एक स्कूटर र एक मोटरसाइकल प्रहरीले निकाली सकेको छ । बाक्लो बस्ती र साँघुरो गल्लीका कारण भुकम्पले पाटन क्षेत्रको जनजिवन निकै त्रासमय बनेको छ । पाटन दरबार क्षेत्रबाट मात्रै दिसो ४ बजेसम्ममा पाँच वटा मृत लासहरु निकालिएका छन भनेे पाँच दर्जन बढी अस्पताल भर्ना गरिएको उद्दारमा खटिएका प्रहरीले जनाएका छन ।
अहिले पनि सेना र प्रहरीले उद्दार गरिरहेका छन् । पाटन शहर भित्र पनि ठूलो क्षति पुर्याएको प्रहरीले जनाएको छ । तर, क्षतिको यकिन बिबरण भने आएको छैन ।
