आफ्नो ब्लगमा नेपाललाई संझदै बलिउडका सुपरस्टार अमिताभ बच्चनले सन् १९५४ मा पहिलो पटक हिमालयको देश पुगेको बताए । उनले नेपाल आफ्नो पहिलो विदेश यात्रा पनि भएको बताएका छन् ।
उनले लेखेका छन्-‘विकास र परिदृश्यको दृष्टिकोणले नेपालमा धेरै नै परिवर्तन आएको छ तर भारतीय चलचित्रप्रति त्यहाँका जनताको प्रेम बनिरहेको छ ।’ आफ्नो पिताले घनिष्ठ साहित्कारसँग भेट्ने इच्छा राखेपछि हामी नेपाल पुगेका थियौं, अमिताभले नेपाल संझदै लेखेका छन् । यसपछि पनि आफू चलचित्र छायांकनका लागि नेपाल पुगेको उनले बताए ।
अमिताभले ट्विटरमा नेपालमा आएको महाभूकम्पले पारेको क्षतीबाट गहिरो दुख लागेको लेेखेका थिए । उनले भूकम्प प्रभावित नेपालीलाई सहयोग गर्ने इच्छा पनि राखेका छन् ।
