७ जेठ, काठमाडौं । भूकम्प प्रभावित नेपाललाई सहयोग जुटाउन नेपाल र विश्व ११ बीच हुने खेलमा श्रीलंकाका जेलेन्ड सनथ जयसूर्याले खेल्ने भएका छन् ।
श्रीलंकालाई विश्वकपको उपाधि दिलाएका जयसूर्याले विश्व ११ बाट खेल्ने मलेसिया क्रिकेट एशोसिएशनको प्रस्ताव स्वीकार गरेका छन् । जयसूर्याले ट्वीट गर्दै ब्याट फर नेपाल अभियान अन्तरगत हुने खेलमा आफूले विश्व ११ बाट खेल्ने पुष्टि गरेका हुन् ।
I joined World XI to #HelpNepal in Malaysia for #BatforNepal project. Hope you all who in malaysia will join the cause.
— Sanath Jayasuriya (@sanath07) May 21, 2015
श्रीलंकाका अर्का लेजेन्ड रोसन महानामाले आफूले पनि अभियानलाई समर्थन गर्ने बताएका छन् ।
नेपाली राष्ट्रिय टोली र विश्व ११ बीच किनरारा ओभलमा ५० ओभरका खेल हुनेछ । तर, मिति भने तय भएको छैन ।