लामो समयदेखि कलाकार विवादका कारण चर्चामा रहेको चलचित्र ‘शुद्धी’का लागि कलाकार पक्का भएका छन् । ऋतिक रोशन र करिना कपुरबाट सुरु भएको कलाकार चर्चा बरुण धवन र आलिया भट्टमा आएर टुङ्गिएको छ ।
ऋतिक र करिनाले छाडेपछि निर्माता करण जोहरले सलमान खानसँग यो चलचित्रमा काम गर्ने बताएका थिए । यो चलचित्रलाई करण जोहरको महत्वकांक्षी प्रोजेक्ट पनि भनिएको छ ।
लामो समयदेखि करणले सलमानका लागि नायिका खोजिरहेका थिए । तर, ‘हिट एन्ड रन’ केसमा अल्भिmएपछि सलमान खान यो चलचित्रबाट पछाडि हटेका हुन् । करणले चलचित्रका लागि मुख्य कलाकारमा बरुण धवन र आलिया भट्ट पक्का भएको ट्विटरमार्फत जनाएका छन् ।
बरुण धवन पक्का भएपछि नायक सलमान खानले पनि ट्विटरबाट वधाई दिएका छन् ।