९ जेठ, धनकुटा । वैशाख १२ गते शनिवार र २९ गते मंगलबार गएको भुकम्पले क्षति पुर्याएपछि धनकुटाको भेडेटारमा रहेको भ्यु टावर प्रवेशमा रोक लगाइएको छ ।
भूकम्प तथा लगातार आएको पराकम्पनबाट भेडेटारको पर्यटकीय स्थल भ्युटावर चर्किएर क्षतीग्रस्त बनेपछि धनकुटा प्रसाशनले आन्तरिक तथा बाह्य पर्यटकहरुलाई टावर क्षेत्रमा प्रवेश निषेध गरेको छ ।
जिल्ला प्रसाशन कार्यालय धनकुटा , जिल्ला विकास समिति धनकुटा र धनकुटा नगरपालीकाको संयुक्त टोलीले अनुगमन गरेपछि टावर क्षेत्रमा प्रवेश रोक लगाइएको हो ।
भूकम्पका कारण टावरको मुख्य जग एवम विभिन्न भागमा रहेका पिलरहरु चर्किएर क्षती ग्रस्त बनेको छ । उक्त टावर जुनैबेला पनि लडन सक्ने भएकाले सर्वसाधारणलाई प्रवेशमा रोक लगाइएको धनकुटाका स्थानीय विकाश अधिकारी गणेशप्रसाद दहालले जानकारी दिए ।
