निर्देशक सुमन दाहालले पनि एक भूकम्प गीत तयार पारेका छन् । नायक राजेश हमालको साथमा कलाकारहरु लक्ष्मी गिरी र रामचन्द्र अधिकारीले अभिनय गरेको भिडियोलाई इश्वर सिंकेमनले खिचेका हुन् ।
‘भूकम्पमा गुमेका आफन्तको कसम, फेरि सक्छौ फेरि उठ्छौ, नागासाकी पछिको जापाना भएर’ बोलको गीतमा शिशिर योगीले आवाज दिएका छन् । विश्व प्रकाश शर्माले गीतमा शब्द तथा संगीत भरेका छन् ।
यो गीतको सीआरबीटी र युट्युबबाट उठेको सबै रकम भूकम्प पीडितका लागि खर्च गर्ने निर्देशक दाहालले बताए ।
