अहिले बलिउडमा कसैको चर्चा छ त, कंगना रणावतकै छ । चलचित्र ‘क्विन’ हिट भएपछि चम्किएकी कंगना ‘तन्नु वेड्स मन्नु रिटन्र्स’को सफलताले झनै उचाइमा पुगेकी छिन् ।
यो चलचित्रले २ दिनमा नै २२ करोडको व्यापार गरिसकेको छ । यसैले पनि अहिले बलिउडमा कंगनाको तुलना खान नायकहरुसँग हुन थालेको छ ।
उनै कंगनाले २ करोडको एक विज्ञापन प्रस्ताव अस्विकार गरेकी छिन् । एक क्रिमले उनलाई २ करोड दिएर विज्ञापनमा अभिनयका लागि अफर गरेको थियो । तर, कंगनाले आफूलाई क्रिमको विज्ञापन खेल्न रुची नभएको भन्दै अस्विकार गरेकी हुन् ।
आफूले विश्वास नगर्ने सामाग्रीमा खेलेर दर्शकलाई धोका दिन नचाहेको कंगनाको भनाई छ । उनका अनुसार मानिसको सुन्दरता अनुहारमा हुँदैन ।
आफूले क्रिमको विज्ञापन खेल्दा कालो बर्ण हुने करोडौ मानिसलाई होच्याएको हुने उनको भनाई छ । आफू कलाकार भएका कारण पनि आफूमा समाजप्रती उत्तरदायित्व भएको कंगनाले बताएकी छिन् ।
