११ जेठ, काठमाडौं । रातोपुलस्थित निवासमा झुण्डिएर आत्महत्या गरेका सर्वोच्च अदालतका पूर्व न्यायाधीश भरतराज उप्रेतीको पार्थिव शरीरमा सभामुख सुवास नेम्वाङले श्रद्धाञ्जली दिएका छन् ।
कानुन व्यवसायी समेत रहेका नेम्वाङ उप्रेतीको शव पोष्टमार्टमका लागि लगिएको त्रिवि शिक्षण अस्पताल पुगेर श्रद्धाञ्जली दिएका हुन् । उप्रेतीलाई आफन्त, शुभचिन्तक र बिभिन्न व्यक्तित्वहरुले लामबद्ध भएर पालैपालो श्रद्धाञ्जली दिएका थिए ।
उनीहरु भावविह्वल मुद्रामा थिए । उप्रेतीका छोरा अनुपराजले बुवाको मुखमा गङ्गाजल दिए र निधारमा चुमे । उप्रेतीलाई श्रद्धाञ्जली दिन जम्मा भएकाहरु यो दृष्यले झन् शोकमग्न भए ।
(यो पनि पढ्नुस् : पूर्वन्यायाधीश उप्रेतीको न दाहसंस्कार, न किरिया)
प्रहरीका अनुसार तीनतले घरको दोस्रो तलाको सिलिङ फ्यानमा नाइलनको डोरीको पासो लगाएर उप्रेतीले आत्महत्या गरेका थिए ।
हेर्नुहोस् तस्वीर
तस्वीर : कविन अधिकारी
