Comments Add Comment

जाजरकोट जिविसमा अख्तियारको छापा

१३ जेठ, जाजरकोट । जिल्ला विकास समिति जाजरकोटमा आर्थिक अनियमितता भएको भन्दै अख्तियारले छापा मारेको छ । विभिन्न संचार माध्यममा जिविसमा आर्थिक अनियमितताको खबर सार्बजनिक भएपछि अख्तियारले छापा मारेको हो ।

अख्तियार दुरुपयोग अनुसन्धान अयोगको क्षेत्रिय कार्यालय सुर्खेतबाट आएको टोलीले जिविसमा छापा मारेको छ । टोलीले स्थनानीय विकास अधिकारी दीर्घबहादुर पोखरेलले जनसहभागिताको मनोमानी बाँडेको ८२ लाख रकम र बिकेन्दि्रकृत ग्रामिण पूर्बाधार विकास तथा जिबिकोपार्जन सुधार (ड्रीलिप) कार्यक्रम अनतर्गत खलंगा -रिम्ना र मोर्क-बालुवा सडकको मर्मत संभार तथा स्तर उन्नती लागि  सार्बजनिक निर्माण शिर्षकको  ७३ लाखको गुपचुप बाँडेको कोटेशनका कागजातहरु नियन्त्रणमा लिएको छ ।

स्थानीय विकास अधिकारी पोखरेलले जनसहभागिता शिर्षकको ८२ लाख बजेट उप प्रधान तथा स्थानीय विकास मन्त्रीको आदेश भन्दै मनोमानी बाँडेका छन ।  त्यसैगरी केही दिनको अन्तरालमा  (ड्रीलिप) कार्यक्रमको लाखौं रकम केही ब्यक्तिलाई मिलेमतोमा कोटेशन बाँडेका थिए ।  जनसहभागितको रकम र कोटेशन बाँडेको बिरोधमा जिविसमा तालाबन्दि गरिएको थियो । स्थानीय विकास अधिकारी पोखरेले मनपरी काम गरेको भन्दै संस्थागत भ्रष्टचार बिरुद्ध शुद्धिकरण अभियानको टोलीले जिविसमा तालाबन्दि गरेको थियो । अख्तियारको छापापछि ताला खोलिएको अभियानका संयोजक सि.पि. घर्तिले जानकारी दिएका छन ।

कालीकोट र रोल्पामा स्थानीयका विकास अधिकारी रहदा पनि बिभिन्न काममा बिबादित बनेका पोखरेले जाजरकोटमा पुगे लगत्तै  बिबादमा मुछिएका छन । स्थानीय  विकास अधिकारीले गरेको अनियमित कामको जाजरकोटका बिभिन्न संघ संस्थाले बिरोध गर्दै आएका छन । अनियमितताको बारेमा अनुसन्धान भइरहेको अख्तियारले जनाएको छ ।
बीबी गिरीबाट

यो खबर पढेर तपाईलाई कस्तो महसुस भयो ?

ट्रेन्डिङ

Advertisment