१७ असार, काठमाडौं । एमाले नेतृ रामकुमारी झाँक्रीले कृषिमन्त्रीबाट राजीनामा दिएका हरिप्रसाद पराजुलीलाई पार्टीमा पनि अनुशासनको कारवाही गर्न माग गरेकी छिन् ।
मन्त्री पराजुलीको राजीनामा पछि फेसबुकमा स्टाटस लेख्दै उनले पार्टीमा कारवाहीको माग राखेकी हुन् ।
‘हरि पराजुलीले मन्त्रीबाट राजीनामा दिए, स्वीकृत भयो होला/हुन्छ । तर पार्टीभित्र अनुशासनको कारवाही नहुने ? पार्टीमा पनि कारवाहीको विषय हुनुपर्छ,’ उनले बिहीबार बिहान लेखेकी छिन् ।
यसअघि उनले धान रोपाईंमा गरेको ताण्डवलाई लिएर पराजुलीलाई हटाउन पार्टी अध्यक्ष केपी ओलीलाई चुनौति दिएकी थिइन् ।
चर्को जनदवावका कारण पराजुलीले पदबाट राजीनामा दिए पनि उनलाई पार्टीभित्र कारवाही गर्नेबारे एमाले मौन छ ।