१८ असार, काठमाडौं । रिनाउन सहकारी संस्थाका पदाधिकारीहरु मिलेर १४ करोड ठगी गरेको मुद्दाका फरार जनकप्रसाद पराजुलीलाई प्रहरीले पक्राउ गरेको छ ।
सिन्धुपाल्चोक माखा गाविसका ४० वषिर्य पराजुलीलाई अपराध महाशाखाबाट खटिएको टोलीले मिनभवनबाट पक्राउ गरेको हो । सहकारीका सचिवसमेत रहेका पराजुली निक्षेपकर्ताको रकम ठगी गरेर फरार थिए ।
प्रहरीले ठगी मुद्दामा आवश्यक अनुसन्धानको लागि पराजुलीलाई महानगरीय प्रहरी परिसर काठमाडौंमा पठाएको छ ।