२० असार, काठमाडौं । संघीय समाजवादी फोरम नेपालसहितका चार मधेसवादी दलले संविधान सभा बैठक बहिष्कार गरेका छन् ।
आइतबार बसेको संविधानसभा बैठकको सुरुमै विशेष समय लिएर बोल्दै तराइ मधेश लोकतान्त्रिक पार्टीका सभासद् सर्वेन्द्रनाथ शुक्लाले मस्यौदा माथिको छलफल आफूहरुका लागि अर्थहीन भएको बताए । लगत्तै उनले आइतबारको बैठक बहिष्कार गर्ने घोषणा गरे ।
उनको घोषणासँगै चारदलका सभासदहरु बैठकबाट बाहिरिएका छन् । संविधानसभाको बैठक चलिरहेको छ ।