१२ साउन, चितवन । पूर्वपश्चिम राजमार्ग अन्तर्गत नवलरासीको गैंडाकोटस्थित जयश्री खोलाको भाँचिएको पुल छेउँमा डाइभर्सन बनाएर यातायात सेवा सुचारु गराइएको छ ।
खोलामा ह्युमपाइप बिच्छ्याएर डाइभर्सन निर्माण गरेपछि सोमबार साँझदेखि रोकिएका यातायातका साधन झण्डै २४ घण्टापछि गन्तव्यमा लागेका छन् ।
सोमबार साँझ ६ बजेतिर पुल भाँचिएपछि नारायणगढ-बुटवल सडकखण्ड अवरुद्ध भएको थियो । बाटो बन्द भएपछि यात्रुहरुको बिचल्ली भएको थियो ।
डिभिजन सडक कार्यालय बुटवलले बाटो खुलेपछि गाडीहरु चल्न थालेको जानकारी दिएको छ । डाइभर्सनबाट गुड्न पहिलो प्राथमिकता बसलाई दिइएको छ ।
तस्वीर : गोविन्द घिमिरेको फेसबुक
