१५ साउन, सोलुखुम्बु । आफैंले जन्माएको नवजात शिशु मारेर फालेको आरोपमा सोताङ-९ बस्ने २७ बर्षीया कमला विकलाई प्रहरीले पक्राउ गरेको छ ।
विवाहित विकले साउन १० गते विहान घर छेउको बारीमा छोरी जातको नवजात शिशु जन्माई मारेर सोही ठाउँको लबुवा भिरमा लगेर फालेकी थिइन् ।
घटनाको खबर प्राप्त भएपछि इलाका प्रहरी कार्यालय सोताङबाट खटिएको प्रहरी टोलीले विहिबार उनलाई पक्राउ गरेको हो ।
शिशुको लास प्रहरीले पोष्टमार्टमको लागि जिल्ला अस्पतालमा पठाएको छ ।
घटनाबारे प्रहरीले अन्य आवश्यक अनुसन्धान गरिरहेको छ ।