Comments Add Comment

यी हुन् बेलायतका सबैभन्दा सुन्दर भू-धरातल (फोटोफिचर सहित)

प्रकृतिले कुनै ठाउँलाई यति सुन्दर बनाइदिएको हुन्छ की त्यहाँको भु-धरातलको दृश्यावलोकन गर्दैमा मानिस लठि्ठन्छ र त्यो दृश्यलाई आफ्नो क्यामरामा कैद नगरिरहन सक्दैन । कतिपय ठाउँमा आँखाले हेर्दा वा आफै पुग्दा त्यतिसारो सुन्दर नदेखिएपनि क्यामरामा कैद गरिसकेपछि त्यसको तस्वीर हेर्दा साँच्चीकै मनमोहक लाग्छन् । त्यस्तो चरित्रलाई फोटोजेनिक भनिन्छ । फोटोग्राफरहरुले बेलायतका यस्ता सबैभन्दा ठाउँहरुको सूचि तयार गरेका छन् जो साँच्चीकै फोटोजेनिक छन् ।
landscape1
फोटोग्राफरहरुको नजरमा बेलायतको सबैभन्दा फोटोजेनिक भुधरातलको रुपमा लेक डिस्ट्रिक्ट परेको छ । बेलायतको सबैभन्दा ठूलो प्राकृतिक ताल विन्डरमेर अवस्थित यो ठाउँ फोटो खिच्नेका लागि पहिलो रोजाइमा पर्छ ।

Yorkshire Dales2
योर्कसायर डेल्स

क्यामरा उत्पादक निकोन कम्पनीले फोटोग्राफरबीच गराएको मत सर्भेक्षणमा बेलायतको सबैभनदा फोटोजेनिक ठाउँको दोश्रो स्थानमा योर्कसायर डेल्स परेकेा छ । उत्तरी क्षेत्रका भुधरातलहरु नै फोटोजेनिक धरातलको उत्कृष्ट ५ भित्र परेका छन् ।

पिक डिस्ट्रिक्ट
पिक डिस्ट्रिक्ट

तेश्रो स्थानमा पिक डिस्ट्रिक्ट परेको छ । त्यस्तै वेल्सको स्नोडोनिया राष्ट्रिय निकुञ्ज चौथो र स्कटल्याण्डको उच्च पर्वतीय क्षेत्रमा पर्ने लोच नेस पाँचौँ स्थानमा परेको छ ।

स्नोडोनिया राष्ट्रिय निकुञ्ज
स्नोडोनिया राष्ट्रिय निकुञ्ज
लोच नेस
लोच नेस

फोटोजेनिक धरातलहरुको छैटौँ स्थानमा मात्र दक्षिण भागका क्षेत्रले ठाउँ बनाउन सफल भएका छन् । छैटौँ स्थानमा ढुंगेकला क्षेत्र स्टोनहेन्ज परेको छ भने सातौ स्थानमा डोभरको सेतो भिर परेको छ ।

स्टोनहेन्ज
स्टोनहेन्ज
डोभरको सेतो भिर
डोभरको सेतो भिर
स्ले अफ स्काइ
स्ले अफ स्काइ

निकै सुन्दर भएर पनि धेरै कम मानिसलाई मात्र थाहा भएकेा सुन्दर क्षेत्रको रुपमा स्कटल्याण्डको स्ले अफ स्काइ परेको छ ।

 छेपारे प्रायद्विप
छेपारे प्रायद्विप

बेलायतको सबैभन्दा दक्षिण भेगको रुपमा रहेको छेपारे प्रायद्विप पनि आकर्षक तथा सुन्दर भुधरातलको रुपमा रहेको छ ।

पिस्टिल झरना
पिस्टिल झरना

वेल्सको बेर्विन पहाडमा रहेको २४० फिटको पिस्टिल झरना संयुक्त अधिराज्य बेलायतको अग्लो झरनाको रुपमा रहेको छ ।

डर्डल डुअर
डर्डल डुअर

त्यस्तै डर्सेटस्थित लुलओर्थनजिकको जुरासिक तटीय क्षेत्रमा रहेको चुनढुंगाको कलात्मक आकृति डर्डल डुअर बेलायतमा विदा मनाउन जानेका लागि सबैभन्दा लोकप्रिय क्षेत्रको रुपमा रहेको पाइएको छ ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment