Comments Add Comment

सीमा सुरक्षामा खटिएका प्रहरी नै असुरक्षित !

Sima-Prahari-Dang

  • राजपुर गाविस ९ स्थित डगमारा अस्थायी प्रहरी चौकी

१८ साउन, घोराही । खरले छाएका स-साना घर, न झ्याल-ढोका छन् न भित्तो बलियो छ । मान्छे उँभिदा पनि छानोमा टाउको ठोक्किने । न विजुली छ, न एक्कासौं शताब्दीको सन्चारको युगमा भरपर्दो सन्चार सेट नै । नेपाल-भारत सीमा सुरक्षामा खटिएको दाङका प्रहरी पोष्टका अवस्था हुन् यी ।

दाङ खण्डमा पर्ने ८३ किलोमिटरको दुरीमा ६ स्थानमा नेपाल प्रहरी बसेको छ । चार वटा स्थायी र दुईवटा अस्थायी प्रहरी पोष्ट सीमा नाकामा छन् । भैसाही, खांग्रा, कोइलाबास र मुसीनाका स्थायी प्रहरी चौकी हुन् भने डगमारा र सिरीया अस्थायी प्रहरी पोष्ट हुन् । तर त्यहाँ न बलियो भौतिक संरचना छ, न पर्याप्त जनशक्ति, न पर्याप्त हतियार, न सञ्चार सुविधा नै ।

सीमा सुरक्षामा खटिएका सुरक्षाकर्मीको यो हालत देखेर भैसाही नाकाका एक व्यक्तिले भने ‘उनीहरु आफै असुरक्षित देखिन्छन् हाम्रो सुरक्षा कसरी गर्लान् ?’

सुरक्षामा चुनौति

Nepal-Bharat-Border-post-Be

कमजोर सुरक्षा अवस्थाको फाइदा उठाउँदै एक बर्ष पहिले सीमा प्रहरी चौकी भैसाही नाकाबाट बलात्कार अभियोगमा पक्राउ परेका एक व्यक्ति दिउँसै हतकडीसहित भागे । उनी अहिलेसम्म पनि फरार छन् । कारण थियो सुरक्षाका लागि प्रहरीको संख्या कम र घरको नाजुक अवस्था । हत्कडी लगाइदिएका व्यक्तिलाई एकातिर राखेर केही प्रहरीहरु काममा लागेकाबेला ति अभियुक्त फरार भएको प्रहरीले पत्तै पाएन ।

‘जनशक्ति कम तर भूगोल ठूलो छ त्यहि भएर सुरक्षामा हम्मेहम्मे पर्छ,’ भैसाहीनाकाका अमृत खड्काले भने, ‘अब यहाँ प्रहरीको संख्या थप्नु पर्छ ।’

दरबन्दी पनि छैन

Nepal-Bharat-Border-post-ra

स्रोत साधनको अभावसँग जुध्दै सीमा र नाकाबासीको सुरक्षामा तल्लीन छन् प्रहरीहरू । प्रहरीहरु मासिक १२ सयदेखि २ हजार रुपैयाँसम्म तिरेर भाडाका घरमा बस्दै आएका छन् ।

स्थायी र अस्थायी प्रहरी चौकीमा दरबन्दी अनुसार प्रहरी पनि छैनन् । ५ देखि ९ जनासम्म प्रहरी दुई-चारवटा राईफल राखेर सुरक्षामा खटिन्छन् ।

जनशक्ति कम हुनु र भूगोल ठूलो हुँदा प्रहरीलाई गस्ती र नागरिक तथा सीमाको सुरक्षामा निकै अप्ठेरो हुने गरेको प्रहरीहरु बताउँछन् ।

फोन गर्न भारत जानुपर्ने बाध्यता

Sima-Prahari-Dang
मुसीनाकाको प्रहरी पोष्ट

सीमाका भैसाही, खांग्रा र कोइलाबास बाहेक अरु प्रहरी चौकीमा सञ्चार सेट समेत छैन । नेपालका सीमकार्डले काम गर्दैन नाकामा । कुनै पनि सूचना वा घटना प्रवाहका लागि प्रहरीलाई भारतमा गएर फोन गर्नुपर्ने बाध्यता छ ।

विद्युत सेवा पनि छैन । भएका सञ्चार सेटहरु सोलारको मद्दतले चार्ज गरे पनि भरपर्दो र टिकाउ नभएको प्रहरीहरु बताउँछन् ।

उनीहरु हप्ताको एकपटक भारतमा लाग्ने हाटबजार गएर हप्ताभरी पुग्ने खाद्यान्न लिएर आउँछन् । ‘रासन, तरकारी लिन पनि भारत जानुपर्छ, फोन गर्न पनि भारत जानुपर्छ,’ खांग्रा प्रहरी चौकीका प्रहरी सहायक निरीक्षक माघिराम चौधरीले भने, ‘सबै कुरामा भारत मै भरपर्नु पर्ने बाध्यता छ ।’

दाङ प्रहरी प्रमुख कुबेर कडायत सीमानाकाका प्रहरीहरुलाई आवश्यक निर्देशन दिँदै
दाङ प्रहरी प्रमुख कुबेर कडायत सीमानाकाका प्रहरीहरुलाई आवश्यक निर्देशन दिँदै

स्रोत साधनको अभाव भए पनि नेपाल प्रहरी सीमा र नागरिकको सुरक्षामा प्रतिबद्ध रहेको दाङ प्रहरी बताउँछ । नाका क्षेत्रको स्थलगत निरिक्षण गरी सदरमुकाम घोराही फर्किएका दाङ प्रहरी प्रमुख एसपी कुबेर कडायतले भने, ‘स्रोत साधन अभाव भएपनि जति छ त्यतिको अधिकतम प्रयोग गरी देशको सीमा र नागरिकको सुरक्षामा खटेका छौं ।’

उनले जनशक्ति र सुविधा थप्ने गृहकार्य भैरहेको जानकारी पनि दिए । कडायतले निरन्तर सीमा र सीमाबासीको सुरक्षामा खट्न र भारतीय पक्षसँग सम्बन्ध राम्रो बनाउन निर्देशनसमेत दिए ।

यो पनि पढ्नुस्

भारतले आफूखुसी नेपालसँगको सीमाना तोक्यो

यो खबर पढेर तपाईलाई कस्तो महसुस भयो ?

ट्रेन्डिङ

Advertisment