- डुबानमा परेको भूकम्प पीडितको शिविर
विकाश श्रेष्ठ
१० भदौ, भक्तपुर । बर्षा र बाढीले भक्तपुरका बस्ती डुबानमा परेका छन् । हनुमन्ते खोलाको बाढी बस्तीमा पसेको स्थानीयले बताएका छन् ।
अविरल बर्षा र बाढीले भक्तपुरका सृजना नगर, राधेराधे, सल्लाघारी, जगाते, आदर्शनगर क्षेत्रका बासिन्दा प्रभावित भएका छन् । बाढीले भक्तपुरको सिद्धि स्मृति अस्पतालमा पनि बाढी पसेर भुइँतला जलमग्न भएको छ । च्यामासिंह-जगाती सडक पनि अवरूद्ध भएको छ । बाराही स्थानका केही विद्यालय पनि डुबानमा परेका छन् ।
महेश्वरी खेल मैदानमा बसेका भूकम्प पीडितको शिविर जलमग्न भएपछि पीडितहरुको बिचल्ली भएको छ । उनीहरुको खाद्यान्न, कपडा भिजेका छन् । डुबानमा परेका सबैलाई सुरक्षित स्थानमा सारिएको छ । सो शिविरमा झण्डै ९ सय जना बस्दै आएका थिए ।
हमुन्ते खोलामा हालै आएको बाढीमा बगेर दुई बालक वेपत्ता भएका थिए ।
डुबानमा परेका थप तस्वीर हेर्नुस्
