रमेश रावल
११ भदौ, कालिकोट । कालिकोटमा पछिल्लो समय मोबाइल बैकिङ सेवा लिनेको संख्या बढ्दै गइरहेको छ । घरमै बसेर मोबाइलबाट बैंकिङ कारोबार गर्न सकिने भएको हुँदा यो सेवाप्रति यहाँका ग्राहकहरु आकषिर्त भएका हुन् ।
कालिकोटमा रहेको राष्ट्रिय बाणिज्य बैंक र ग्लोबल आइएमई बैंकबाट झण्डै ३ हजार जनाले मोबाइल बैकिङ सेवा लिएका छन् ।
राष्ट्रिय बाणिज्य बैंकबाट मोबाइल बैकिङ सेवा दिन लागेको वर्ष दिन भयो । यस अवधिमा एक हजार ४ सय जनाले मोबाइल बैंकिङ सेवा लिएका छन् ।
ग्लोबल आइएमई बैंकले सेवा सुरु गरेको ५ महिनामा करिव ५ सय ८९ जनाले मोबाइल बैंकिङ सेवा लिएका छन् । ग्रामिणस्तरमा यो सेवा निकै सजिलो र सरल भएको हुँदा मोबाइल बैकिङ सेवाप्रति ग्राहकहरु आकषिर्त भएको ग्लोबल आइएमई बैंकका कालिकोट शाखा प्रमुख मन्दीप बरालले बताए ।
‘घरमा नै बसेर मोबाइलबाट बैंकिङ कारोबार गर्न सकिन्छ’ उनले भने- ‘त्यो कारणले पनि सेवाग्राहीहरु यो सेवाप्रति आकषिर्त भएका हुन् ।’ मोबाइल बैंकिङ सेवाबाट ग्राहकहरुले घरमा नै बसेर टेलिफोनको महशुल तिर्न, पैसा खाताबाट अर्को खातामा जम्मा गर्न, रिचार्ज गर्न सजिलो भएको कारणले ग्रामिण इलाकामा यो सेवा आक्रषण रहेको राष्ट्रिय बाणिज्य बैंक कालिकोट शाखाका निमित्त प्रबन्धक जयप्रकाश बरालले बताए ।
‘मोबाइलमा नै बैंक रहेको छ’ उनले भने- ‘मोबाइलबाट नै सबै सेवा सुबिधा पाउने भएका कारणले यो सेवाप्रति ग्राहकहरु आकषिर्त भएका छन् ।’