१४ भादौ, काठमाडौं । प्रधानमन्त्री सुशील कोइरालाले यू-१९ साफ च्याम्पियनसिपको विजेता बनेको नेपाली फुटबल टोलीलाई बधाइ दिएका छन् ।
कोइरालाले आइतबार साँझ नेपाली टोलीका कप्तान बिमल घर्ती मगरलाई टेलिफोन गरी बधाई दिएको प्रधानमन्न्त्रीको निजी सचिवालयले जनाएको छ । घर्ती भारतसँग मैत्रिपूर्ण फुटबल खेल्न आइतबार भारतको पुणेमा पुगेका छन् ।
टेलिफोनमा प्रधानमन्त्री कोइरालाले साफ विजेता बनेर नेपाली टोलीले राष्ट्रिय प्रतिष्ठा उचो बनाएकोमा आफू गौरवान्वित भएको बताए । सफलताको लागि नेपाली टीमका कप्तान, प्रशिक्षक र समस्त टीमका सदस्यहरुलाई बधाई दिँदै कोइरालाले आगामी दिनमा क्षेत्रीय र अन्तराष्ट्रिय प्रतियोगितामा यसरी नै सफलता प्राप्त होस् भन्ने शुभकामना दिएका छन् ।
प्रधानमन्त्री कोइरालाले फूटबल खेलको विकासको लागि सरकारले यथासक्य सहयोग गर्नुको साथै खेलाडीहरुलाई प्रोत्सान दिने बताएएका छन् ।
नेपाली यू-१९ टीमका कप्तान विमलले प्रधानमन्त्री कोइरालाले दिनुभएको बधाई र शुभकामनाका प्रति कृतज्ञता प्रकट गर्दै नेपाल र्फकने वित्तिकै प्रधानमन्त्रीलाई भेट्ने बताएका छन् ।
शनिबार भएको फाइनलमा भारतलाई पेनाल्टीमा ५-४ ले पराजित गर्दै नेपाल च्याम्पियन बनेको थियो ।