१६ भदौ, काठमाडौं । वैशाख १२ को विनाशकारी भूकम्पमा परी भक्तपुरमा मृत्यु भएकाहरुको सम्झनामा सामूहिक रुपमा गाईजात्रा पर्व मनाइएको छ ।
मानवीय आस्था नेपाल नामको संस्थाको ब्यानरमा बुधबार भक्तपुर सामुहिक गाईजात्रा कार्यक्रम गरिएको हो । कार्यक्रममा सहभागीहरु परम्परागत भेषभुषामा सजिएका थिए भने हातमा मृतकका तस्वीर लिएका थिए । घिन्ताकिसी नाच र बाजागाजासहित नगरको परिक्रमा समेत गरिएको थियो ।
बाराहीस्थानबाट सुरु भएको र्याली बिभिन्न टोल परिक्रमा गर्दै पुनः बाराहीस्थानमै आएर सम्पन्न भएको थियो । र्यालीमा मृतकका आफन्त, पर्यटन व्यवसायी तथा आन्तरिक र बाह्य पर्यटकको उपस्थिति थियो ।
गत वैशाखको भूकम्पमा भक्तपुरमा ३४३ जनाको मृत्यु भएको थियो ।
तस्वीरः विकास श्रेष्ठ/अनलाइनखबर
