के तपाइँलाई सधै थकान महसुस भैरहन्छ ? निद्रा पनि नलाग्ने समस्या छ ? अनि व्यायाम गर्न पनि जाँगर चल्दैन वा जिउमा उर्जा नै हुँदैन ?

यदि थकान जिवनको अभिन्न पाटो बनेको छ र आफ्ना सामान्य दैनिक कामकाजहरु पनि गम्भीर रुपले कठीन कार्यको रुपमा परिणत हुँदै गएका छन् भने होसियार हुनुहोस्, तपाइँ विश्वका त्यस्ता मानिसहरु मध्ये एक हुनुहुन्छ, जसलाई सरीरमा आवश्यक पर्ने लवणहरु पर्याप्त मात्रामा प्राप्त हुन सकेको छैन । त्यस्ता लवणहरु मध्ये मुख्य रुपमा फलामको कमीले यस्तो सधै थाकिरहने समस्या पैदा गर्दछ ।

फलाम सरीरमा उर्जा उत्पादनका लागि अनिवार्य छ । किनकी यो राता रक्तकोषको आधारशीला हो जसले सरीरभर अक्सिजनको प्रवाह गर्दछ । त्यसैले सरीरमा पर्याप्त फलाम तत्वको आपूर्ति भएन भने अक्सिजनको कमी हुनपुग्दछ अनि पर्याप्त उर्जा उत्पादन हुन पाउँदैन ।

छालाको रंग पहेँलो जस्तो हुनु, मुटुको धड्कन जोडसँग चलेको अनुभुति हुनु तथा स्वासप्रस्वास पनि छिटोछिटो हुनु फलामको कमीको लक्षणहरु हुन् ।

टाउको दुख्ने, आँखा तिरमिराउने, कानमा टिनटिन आवाज आइरहने, कपाल झर्ने, हातखुट्टा चिसो हुने, निल्न गाह्रो हुने, जिउ चिलाउने, निद्रा राम्रोसँग नलाग्ने, भोक नलाग्ने, पेट दुख्ने, जिब्रो सुन्निने वा कडा भएर दुख्ने, नङ चम्चा आकारको तथा प्याट्ट भाँचिने बन्नु पनि फलामको कमीका लक्षण हुन् ।

सरीरमा फलामको पर्याप्त मात्रा आपूर्तिका लागि खानुपर्ने खानेकुराहरु :

· पर्याप्त रक्तफलाम हुने खानेकुरा जस्तै रातो मासु, कलेजो (हप्तामा ५ सय ग्राम सम्म)

· मासुसँगै फलफूलको जुस पिउँदा सरीरले मासुमा भएको फलाम राम्रोसँग सोस्दछ

· हरिया सागपातहरु प्रसस्त भोजन गर्ने

· फर्सिको बियाँ, सूर्यमुखीको बियाँ

· गेडागुडी, दाल, भटमास, अन्न आदि ।