१८ असोज, काठमाडौं । राष्ट्रिय लिग फुटबलमा मनाङ मस्र्याङ्दीले सशस्त्र प्रहरीको एपीएफ क्लबमाथि संघर्षपूर्ण जित हात पारेको छ ।
सोमबार भएको खेलमा मनाङले एपीएफमाथि १-० को जित हात पारेको हो । मनाङको जितमा खेलको अन्तिम मिनेटमा रुपेश केसीले गोल गरेका थिए ।
जितसँगै मनाङ १२ खेलबाट २२ अंकका साथ चौथो स्थानमा उक्लिएको छ भने एपीएफ २० अंकका साथ पाँचौं स्थानमा छ । एक खेल बढी खेलेको लिग लिडर थ्रीस्टारको २६ अंक छ ।
