१९ असोज, काठमाडौं । समस्याग्रस्त अवस्थामा रहेका बैंक तथा वित्तीय संस्थाहरुमा तीन सय कर्मचारी कार्यरत छन् । नेपाल राष्ट्र बैंकले सार्वजानिक गरेको समस्याग्रस्त संस्थाहरुको विवरणमा यस्तो देखिएको हो ।

राष्ट्र बैंकले १३ वटा संस्थाहरुलाई समस्याग्रस्त घोषणा गरेको छ । समस्याग्रस्त अवस्थामा रहेको संस्थाहरुले सेयरधनी र कर्मचारी कसैलाई पनि बोनस बाँड्न पाउँदैनन् ।

समस्याग्रस्त संस्थाहरुमध्ये सबैभन्दा बढी अर्थात ५४ जना कर्मचारी गोर्खा विकास बैंकमा छन् । क्रिष्टल फाइनान्समा सबैभन्दा कम अर्थात ७ जना कर्मचारी छन् ।

त्यसैगरी, नेपाल सेयर मार्केट्स बैंकिङ एण्ड फाइनान्समा ३६ जना, नारायणी विकास बैंक र अरुण फाइनान्समा २६/२६ जना, क्यापिटल मर्चेन्टमा २३ जना, ललितपुर फाइनान्समा २२ जना, कर्पोरेट डेभलपमेन्ट बैंकमा २१ जना, कुबेर मर्चेन्टमा १८ जना र नेपाल फाइनान्समा १३ जना कर्मचारी कार्यरत छन् ।

जागिरको सुरक्षा र राम्रो आम्दानीका कारण बैंकिङ क्षेत्र रोजगारीका लागि उत्तम मानिन्छ । धेरैजसो बैंक वित्तीय संस्थाका कर्मचारीहरुले बोनससहित जोड्दा १५ देखि १८ महिनासम्मको तलब पाउँछन् ।

तर, समस्याग्रस्त संस्थामा काम गर्ने कर्मचारीहरु भने मर्कामा परेका छन् । संस्था घाटामा रहेकाले उनीहरुले बोनस खान संस्थाले नाफा कमाएसम्म पर्खिनु पर्ने हुन्छ ।

समस्याग्रस्त संस्थामा कर्मचारी संख्या