बगदाद । इराकमा श्रृंखलावद्ध बम विष्फोट हुँदा कम्तिमा ६३ जनाको मृत्यू भएको छ । सबैभन्दा ठूलो विष्फोट दियाला प्रान्तको शिया बाहूल्य क्षेत्रमा भएको छ, जहाँ कमसेकम ४० जना मारिएको प्रहरी अधिकारीले बताएका छन् ।
अर्को विष्फोट अब जुबैरमा भएको थियो । त्यहाँ १० जना मारिएको खबर छ । यसैगरी तेस्रो विष्फोटमा १३ जनाको ज्यान गरेको छ । एपीका अनुसार राजधानी बगदादमा पनि बम विष्फोट भएको छ र त्यहाँ २५ जना घाइते भएका छन् ।
चरमपन्थी समुह आइएसले पहिलो विष्फोटको जिम्मेवारी लिएको छ । तर, दोस्रो विष्फोटको जिम्मेवारी कसैले पनि लिएको छैन ।
